La 15an de auxgusto, Lev Vulfovich (dua de maldekstre) kaj sia edzino Edelgard Fischer (plej dekstre) alvenis en Toronto por tri-taga vizito. Lunjo kaj Ken gvidis ilin piede tra la komerca centro de la urbo en la sekvinta posttagmezo, plejparte tra la subteraj butikborderitaj tuneloj, cxar tre bezonata pluvo faladis ekstere. Post mangxo en cxina restoracio, kaj marsxado al ilia hotelo, ekstere en la pluvo cxifoje, por vidi ankaux la surfacon, ni dauxrigis la babiladon kaj tetrinkadon dum plia horo.
Por ke ili povu renkontigxi kun pli da lokaj
esperantistoj, Lunjo arangxis specialan kunvenon, kiu
okazis en kafejo dimancxe. Ni renkontis ilin je la kvina
posttagmeze sur la sxtuparo antaux la Regxa
Ontaria Muzeo, kaj iris piede al la kafejo. Estis proksimume
dek cxeestantoj, kaj evidentigxis ke Eduardo jam
konas Lev dumlonge, cxar li antaux jaroj
cxeestis SAT-kongreson kie Lev prelegis pri usona
historio.